शुक्रबार, भाद्र ०३, २०७९  |  Friday, August 19, 2022

शर्मा एण्ड कम्पनी निर्माण क्षेत्रमा अग्रणी नामले परिचय पाउँदै बीर हस्पिटलको नयाँ भवन सहित थुप्रै राष्ट्रिय गौरवका परियोजना निर्माण गर्ने यही कम्पनी स्थापनाकालको ५६ औँ वर्षमा प्रवेश गर्न सफल भएको छ । निर्माण क्षेत्रमा उल्लेखनीय योगदान पुर्‍याउँदै कम्पनीले यस वर्ष औपचारिक कार्यक्रम नगर्ने भएको छ । कम्पनीका संस्थापक राधाकृष्ण शर्माको यही वर्ष स्वर्गारोहण भएकाले वार्षिकोत्सवमा औपचारिक कार्यक्रम नगरिएको बुझिएको छ ।

वार्षिकोत्सवको अवसरमा कम्पनीका प्रबन्ध निर्देशक रमेश शर्माले राष्ट्र निर्माणको अभियानमा कम्पनीले योगदान पुर्‍याउन सफल बताउँदै , उनले भने, ‘गुणस्तरीय र भरपर्दो निर्माणका लागि हाम्रो कम्पनी स्थापित नाम भएको उनको जिकिर थियो ।’
कम्पनीले हाल ३ हजार भन्दा बढीलाई प्रत्यक्ष रोजगारी प्रदान गर्न सफल भएको छ । बितेका वर्षमा यही कम्पनीले काठमाडौँमा मेडिसिटी अस्पताल, वीर , कमल पोखरीको सिटी सेन्टर, सिंहदरबार अगाडिको वाणिज्य बैंक लगायतका भवनको निर्माण सम्पन्न गरिसकेको छ ।

विशाल नगरको सेन्टरपार्क अपार्टमेन्ट, सीतापाला हाउजिङ, बालकोटमा रोज भिलेज प्रोजेक्ट कम्पनीले निर्माण गरेको हो । मदन भण्डारी राजमार्ग अन्तर्गत धरान चतराबाट सिन्धुलीसम्मको १ सय ३५ किमी सडक शर्मा एण्ड कम्पनी र लामा कन्ट्रक्सनले निर्माण गरेको छ ।

त्यस्तै मेलम्ची खानेपानी प्रोजेक्ट अन्तर्गत काठमाडौँको ३ सय किमी क्षेत्रमा यही कम्पनीले नयाँ पाइपलाइन बिछ्याउने काम गरिसकेको छ । राजमार्गका ठुला–ठुला पुल निर्माण गर्ने पनि शर्मा एण्ड कम्पनी सक्षम हुँदै आएको छ ।
‘सूर्यबिनायकदेखि धुलिखेलसम्म २० वर्ष अगाडि स्विस सहयोगमा कम्पनीले सडक निर्माण गरेको ,शर्माले बताए । ‘सुदूर पश्चिमको अत्तरियादेखि महेन्द्रनगरसम्मको हाइवे २ दशक अगाडि निर्माण गरेको अनुभव पनि कम्पनीसँग छ ।’ भवन निर्माणका क्षेत्रमा त नेपालको अग्रणी कम्पनीमा शर्मा एण्ड कम्पनी पर्न सफल भएको शर्मा बताउँछन् । पछिल्लो वर्ष कोरोना महामारीको प्रभाव निर्माण क्षेत्रमा परेको शर्माले बताए । ‘एक वर्षदेखि प्रोजेक्टहरूमा कमी आएको छ । निर्माण क्षेत्रमा सरकारी बजेटरी खर्चमा आएको कमीले बजारमा तरलता अभाव देखिएको छ,’ उनले भने । कम्पनीका प्रबन्ध निर्देशक रमेश शर्मा निर्माण व्यवसायी संघको तेस्रो अध्यक्ष तथा महासंघ निर्माण पछिको पहिलो अध्यक्ष भइसकेका व्यक्ति हुन् ।

तपाईको प्रतिक्रिया